എല്ലാ മലയുടെ മുകളിലുമൊരു
ചായക്കടയുണ്ടായിരിക്കണം
അവിടെയൊരു
കാലുറക്കാത്ത ബെഞ്ചുണ്ടാവണം
അതിലിരുന്ന്,
കടുപ്പത്തിലൊരു ചായ കുടിക്കണം
അതിനരികിലായൊരു-
പച്ചമര ത്തണലുണ്ടായിരിക്കണം
അതിന്റെ കുളിരിലിരുന്നൊരു
ബീഡി വലിക്കണം
താഴോട്ടു നോക്കണം
കിതച്ചു കയറിയ വഴികളൊക്കെയും
കുതിച്ചിറങ്ങുന്നതും
മലയിറങ്ങും യാത്രികര്
മാഞ്ഞുപോകുന്നതും കാണണം
ആകാശം
മലമുകളിലല്ലെന്നറിയണം
ഒടുവിലൊരു കവിള് പുകയായ്
മേഘങ്ങളിലലിയണം
മഴയായ് പെയ്യുകില്
വീണ്ടും മുളക്കുകില്
പിന്നെയുമൊരു മല കയറണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ