കുപ്പായങ്ങള്‍
നരക്കും
കീറും
അഴിക്കാത്തപക്ഷം
താനേ അഴിയും
അതിനാല്‍
കുപ്പായങ്ങള്‍ തമ്മിലുള്ളതിനെ
ഞാന്‍ പ്രണയമെന്നു വിളിക്കുന്നില്ല
കുപ്പായമില്ലാത്ത ഞാന്‍
കുപ്പായമിട്ട നീന്നോടൊപ്പമില്ലെങ്കിലും
കുപ്പായമില്ലാത്ത നീ
കുപ്പായമിട്ട എന്നോടൊപ്പമില്ലെങ്കിലും
ഞാനതിനെ
വിരഹമെന്നും വിളിക്കില്ല
കുപ്പായമില്ലാത്ത കാലത്ത്
നാമിരുവരുമൊന്നിച്ചൊരു-
പൂവിന്റെ
കണ്ണില്‍ നോക്കിയിരിക്കുകയാണെങ്കില്‍
മറ്റാരെങ്കിലുമതിനെ
പ്രണയമെന്നു വിളിക്കട്ടെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ