ഒരിക്കല്‍ കൂടി
ജനിക്കുകയാണെങ്കില്‍
എന്നെ
പച്ചവെള്ളത്തിന്റെ രുചിയോ
മഴയുടെ നിറമോ
ആരും പഠിപ്പിക്കരുത്
ഇത് പൂവാണെന്നോ
അത് പുഴയാണെന്നോ
പറഞ്ഞുതരരുത്
ആകാശത്തേക്കോ
ആഴിയിലേക്കോ നോക്കാന്‍
പ്രേരിപ്പിക്കരുത്
നിലാവിനെയും നക്ഷത്രങ്ങളെയും
കാട്ടിത്തരരുത്
പള്ളിയിലോ പള്ളിക്കൂടത്തിലോ
പാര്‍ട്ടിയിലോ ചേര്‍ക്കരുത്
പുരോഹിതന്മാരെയും
എഴുത്തുകാരെയും
പരിചയപ്പെടുത്തരുത്
ദൈവത്തെക്കുറിച്ച്
ഒന്നും അറിയാന്‍ ഇടവരരുത്
പ്രണയത്തെക്കുറിച്ചോ
മരണത്തെക്കുറിച്ചോ
മിണ്ടരുത്
ജീവിതമെന്ന വാക്ക് പോലും
കേള്‍പ്പിക്കരുത്
ഒരിക്കല്‍ കൂടി
ഒരു പുല്ലും അറിയാതെ മരിക്കാന്‍
എനിക്കു വയ്യ
1 അഭിപ്രായം:
what should I say Taj. nothing there. you said it, the truth.
why did they want to make society? why did they want to create god? why did they want many and so many gods? Couldn't they realise that they transformed into the slaves?
ഒരു അഭിപ്രായം പോസ്റ്റ് ചെയ്യൂ