മൗനമേ
നിനക്കായ് ഞാന്
കൊതിച്ചിട്ടുണ്ട്
വാതില് തുറന്നുവച്ച്
കാത്തിരുന്നിട്ടുണ്ട്
അലറിവിളിച്ചിട്ടുണ്ട്
അപ്പോഴൊന്നും ഈവഴി വരാതെ
ഇന്നത്തെ,
ഈ അനവസരത്തിലുള്ള നിന്റെ ആശ്ലേഷണം
എന്നെ ലജ്ജിപ്പിക്കുന്നു
പൊട്ടിത്തെറി മാത്രം അനിവാര്യമായ
ഈ കറുത്തരാത്രിയില്
ഹിമക്കട്ടകള് കൊണ്ടു പണിത ഖബറിലാണല്ലോ
നീ എന്നെ ഒളിപ്പിച്ചിരിക്കുന്നത്
ഈ മരവിപ്പ്
എനിക്ക് മരണം തന്നെയാണ്
ഇനിയെന്നെ ഉണര്ത്തരുത്
ഞാന് പകലിന്റെ മുഖത്തുനോക്കാന്
അവകാശമില്ലാത്തവനായിരിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ